ご利用のブラウザーは古いバージョンです。
Per ottenere una migliore esperienza con il nostro sito, ti preghiamo di scaricare un altro browser gratuitamente. Basta fare clic sull'icona!
Argitektoniese maatksappy Blunt Architects verdien die applous vir vandag se homify 360° ontdekking: a ruim ontwerp wat asems wegslaan van begin tot einde (of eerder van vloer tot dak).
Met ‘n uitleg van nie minder nie as 493 m² en ‘n ongelooflike moderne styl met al die korrekte afwerkings, verdien hierdie skepping definitief die bynaam “partytjie-huis” – watse ander lokaal kan dan nou meer perfek wees vir ‘n kuier of onthaal?
Kom ons beloer bietjie hierdie drie-verdieping droom van naby…
Ons is mal oor die manier wat rou boumateriale saam met sierlike afwerkings saamkom om dié treffende skepping te versier. Die huis is in ‘n heuwel ingebou en bied ‘n ondergrondse parkeer area vir die inwoners – kyk net hoe lieflik vloei die plantegroei vanaf die kante, amper asof dit die huis wil bedek.
Aan die binnekant begroet ‘n oopplan uitleg ons met ‘n sitkamer, eetkamer en kombuis, met al drie vertrekke wat lieflik oopmaak na buite danksy tamaai glasdeure.
En kyk net hoe lekker kontrasteer die industriële styl met die moderne en klassieke meubels en dekor – definitief 10 uit 10 vir aandag trek!
Ons is nie seker van jou nie, maar hierso op homify verkies ons ons slaapkamers met uitsigte wat asems wegslaan – soos dié een wat so te sê oor die hele Pretoria uitkyk!
Dis mos nou een manier om die sonsondergang te geniet.
En wat kry ons in die agtererf? Nóg ‘n uitleg en spasie wat perfek kan werk vir ‘n lekker kuier, veral wanneer dit kom by daardie buitenste eet area onder die son sambreel, sowel as die ruim houtdek en swembad.
‘n Tuin wat eksie-perfeksie geplant en gesnoei is rond die erf af.
Vir ‘n ander stylvolle sensasie, loer gerus na Die pragtigste huis in die Kaap.
